മലപ്പുറം: മലപ്പുറത്ത് സ്വകാര്യ ബസും ബൈക്കും തമ്മിൽ കൂട്ടിയിടിച്ച് രണ്ടുപേർക്ക് ഗുരുതര പരിക്ക്. അപകടത്തിൽ ബൈക്ക് യാത്രികരായ മലപ്പുറം പള്ളിക്കൽ സ്വദേശി മുടക്കയിൽ മിർഷാബ്, കോഴിക്കോട് താമരശ്ശേരി സ്വദേശിനി സെൽവ എന്നിവർക്കാണ് പരിക്കേറ്റത്. മലപ്പുറം പൊന്നാനി പള്ളപ്രം ഹൈവേയിൽ റൗബ ഹോട്ടലിന് സമീപം ഞായറാഴ്ച ഉച്ചയോടെയായിരുന്നു അപകടം.
പരിക്കേറ്റ ഇരുവരെയും നാട്ടുകാർ ചേർന്ന് പൊന്നാനി താലൂക്ക് ആശുപത്രിയിലും, പിന്നീട് പൊന്നാനി ആംബുലൻസ് പ്രവർത്തകരും എമർജൻസി ടീം പ്രവർത്തകരും ചേർന്ന് കോട്ടക്കൽ അൽമാസ് ആശുപത്രിയിലും, തുടർന്ന് വിദഗ്‌ധ ചികിത്സക്കായി കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.