Trending

പേരാമ്പ്രയിൽ ബസ് ബൈക്കിലിടിച്ചു വിദ്യാർത്ഥിക്ക് ദാരുണാന്ത്യം

പേരാമ്പ്ര: പേരാമ്പ്രയിൽ ബസ് ബൈക്കിലിടിച്ചു വിദ്യാർത്ഥി മരിച്ചു. പേരാമ്പ്ര മുളിയങ്ങൽ സ്വദേശി ചെക്യലത്ത് റസാക്കിന്റെ മകൻ ഷാദിൽ (20) ആണ് മരിച്ചത്. കോഴിക്കോട് നിന്നും കുറ്റ്യാടി വഴി നാദാപുരത്തേക്ക് പോവുകയായിരുന്ന സേഫ്റ്റി ബസ് ആണ് വിദ്യാർത്ഥി സഞ്ചരിച്ച ബുള്ളറ്റ് ബൈക്കിൽ ഇടിച്ചത്. ഉടൻ പേരാമ്പ്ര ഇഎംഎസ് സഹകരണ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

പേരാമ്പ്ര സെന്റ് ഫ്രാൻസിസ് ചർച്ചിന് സമീപം ഇന്ന് ഉച്ചക്ക് 2 മണിയോടെയായിരുന്നു അപകടം. ബസ് അമിത വേഗതയിൽ ആയിരുന്നുവെന്ന് ദൃക്‌സാക്ഷികൾ പറയുന്നു. പേരാമ്പ്ര ഡിഗ്നിറ്റി കോളജിൽ രണ്ടാം വർഷ ഡിഗ്രി വിദ്യാർത്ഥിയാണ് ഷാദിൽ. പരീക്ഷ എഴുതി വീട്ടിലേക്കു പോകും വഴിയാണ് അപകടം ഉണ്ടായത്. ഇടിച്ച ശേഷം ബസ് ബൈക്കിനെ പത്തു മീറ്ററോളം വലിച്ചിഴച്ച ശേഷമാണ് നിന്നത്.

Post a Comment

Previous Post Next Post