കോഴിക്കോട്: പുതിയങ്ങാടി പിതാവ് മകനെ കത്തികൊണ്ട് കുത്തിപ്പരിക്കേല്പ്പിച്ചു. പുതിയങ്ങാടി അത്താണിക്കല് സ്വദേശി ജംഷീറിനെയാണ് പിതാവ് ജാഫര് ആക്രമിച്ചത്. ഗുരുതര പരിക്കേറ്റ ജംഷീര് കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലാണ്.
ജാഫറിനെ പോലീസ് കസ്റ്റഡിയിലെടുത്തു. കുടുംബപ്രശ്നങ്ങളെ ചൊല്ലി ഇരുവരും തമ്മില് വഴക്ക് പതിവായിരുന്നെന്നാണ് വിവരം. ഇതേ തുടർന്നാണ് ജാഫര് മകനെ ആക്രമിച്ചത്.