കോഴിക്കോട്: കോഴിക്കോട് ബീച്ചിൽ വെച്ച് പോലീസുകാരനെ ആക്രമിച്ച നേപ്പാൾ സ്വദേശികൾ പിടിയിലായി. ബിഷ്ണുകുമാർ (23), രൂപേഷ് കുമാർ (20) എന്നിവരെയാണ് വെള്ളയിൽ പോലീസ് കസ്റ്റഡിയിലെടുത്തത്. ബീറ്റ് ഡ്യൂട്ടി ചെയ്യുകയായിരുന്ന പോലീസുകാരനെ ഔദ്യോഗിക ക്യത്യ നിർവ്വഹണം തടസ്സപ്പെടുത്തി പ്രതികൾ ആക്രമിക്കുകയായിരുന്നു.
ബീച്ച് ലയൺസ് പാർക്കിന് സമീപം വെച്ച് എലത്തൂർ കോസ്റ്റൽ പോലീസ് സ്റ്റേഷനിലെ സിപിഒ ജുബിനാണ് ആക്രമിക്കപ്പെട്ടത്. തുടർന്ന് വെള്ളയിൽ പോലീസ് സ്റ്റേഷൻ എസ്ഐയുടെ നേതൃത്വത്തിലുള്ള പോലീസ് സംഘം പ്രതികളെ കസ്റ്റഡിയിലെടുക്കുകയായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.