ബാലുശ്ശേരി: ബാലുശ്ശേരി വട്ടോളി ബസാറിൽ സ്കൂട്ടറിൽ കാറിടിച്ചുണ്ടായ അപകടത്തിൽ വയോധികൻ മരിച്ചു. ശിവപുരം കപ്പുറം കള്ളത്തോട്ടിൽ കെ.ടി ശ്രീധരൻ (60) ആണ് മരിച്ചത്. കപ്പുറം റോഡിൽ നിന്ന് താമരശ്ശേരി- കൊയിലാണ്ടി റോഡിലേക്ക് പ്രവേശിച്ചപ്പോൾ ഇയാൾ സഞ്ചരിച്ച സ്കൂട്ടറിൽ കാർ ഇടിക്കുകയായിരുന്നു. ഇന്ന് രാവിലെയോടെയായിരുന്നു അപകടം.
ഗുരുതരമായി പരിക്കേറ്റ ശ്രീധരനെ ഉടന്‍ തന്നെ ബാലുശ്ശേരി താലൂക്ക് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. പരേതനായ മൂത്തോറൻ- അരിയായി ദമ്പതികളുടെ മകനാണ്. ഭാര്യ: പുഷ്പ. മക്കൾ: അർജുൻ (കണ്ണൻ), അമൃത. സഹോദരങ്ങൾ: കെ.ടി ബാലൻ, ലീല കട്ടിപ്പാറ, ശാന്ത മഞ്ഞപ്പാലം. സംസ്കാരം ഇന്ന് രാത്രി 8 മണിക്ക് വീട്ടുവളപ്പിൽ.