പുല്ലൂരാംപാറ ഇരുവഞ്ഞി പുഴയിൽ പതിനഞ്ചുകാരൻ മുങ്ങി മരിച്ചു.

തിരുവമ്പാടി: പുല്ലൂരാംപാറ ഇരുവഞ്ഞി പുഴയിലെ കുമ്പിടാൻ കയത്തിൽ വിദ്യാർത്ഥി മുങ്ങി മരിച്ചു. പൊന്നാങ്കയം ഇരുമ്പുഴിയിൽ ഷിബുവിൻ്റെ മകൻ അജയ് ഷിബു (15) ആണ് മരിച്ചത്. സെൻ്റ് ജോസഫ്സ് ഹൈസ്കൂൾ പത്താം ക്ലാസ് വിദ്യാർത്ഥിയാണ്. സ്കൂളിൽ നിന്നും വീട്ടിലേക്ക് പോകുന്ന വഴിയിൽ സുഹൃത്തുക്കളുമൊത്ത് പുഴയിൽ കുളിക്കാനിറങ്ങിയപ്പോൾ ആണ് അപകടം. 

പുഴയിലെ കയത്തിൽ മുങ്ങി പോയ അജയിയെ ബഹളം കേട്ടെത്തിയ നാട്ടുകാർ കരയ്ക്കെടുത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മൃതദേഹം പോസ്റ്റുമോർട്ടം നടപടികൾക്ക് ശേഷം ബന്ധുക്കൾക്ക് വിട്ടുകൊടുക്കും. മാതാവ്: സുവർണ, സഹോദരി: അനഘ.