കൊയിലാണ്ടി: കൊയിലാണ്ടി നെല്യാടി പുഴയില്‍ ചാടിയയാളുടെ മൃതദേഹം കണ്ടെത്തി. ഉച്ചയോടെ നെല്യാടി പാലത്തില്‍ നിന്ന്‌ പുഴയിലേക്ക് ചാടിയെന്ന് സംശയത്തെ തുടർന്ന് പോലീസും ഫയര്‍ഫോഴ്സും നടത്തിയ തിരച്ചിലാണ് മൃതദേഹം കണ്ടെത്തിയത്. ആളെ തിരിച്ചറിയാനായിട്ടില്ല. പാലത്തിന് സമീപത്ത് നിന്നും ചെരുപ്പും കണ്ണടയും ലഭിച്ചിട്ടുണ്ട്.
പാലത്തിന് സമീപത്ത് നിന്നും 15 മീറ്റര്‍ മാറിയാണ് മൃതദേഹം കണ്ടെത്തിയത്. അറുപത് വയസ്സ് പ്രായം തോന്നിയ്ക്കുന്ന പുരുഷന്റേതാണ് മൃതദേഹം. വെള്ള മുണ്ടും പച്ച കളര്‍ ഷര്‍ട്ടുമാണ് വേഷം. മൃതദേഹം തുടർ നടപടികൾക്ക് ശേഷം കൊയിലാണ്ടി താലൂക്ക് ആശുപത്രിയിലേയ്ക്ക് മാറ്റി.