കൊയിലാണ്ടി: കൊയിലാണ്ടിയിൽ സ്വകാര്യ ബസിടിച്ച് റിട്ടയേഡ് അധ്യാപകന് മരിച്ചു. പന്തലായനി ആരാമത്തില്‍ കാനാച്ചേരി അശോകന്‍ (76) ആണ് മരിച്ചത്. അരിക്കുളം യു.പി സ്‌കൂള്‍ അധ്യാപകനായിരുന്നു. കൊയിലാണ്ടി മാര്‍ക്കറ്റിന് സമീപം റോഡ് ക്രോസ് ചെയ്യുന്നതിനിടെ കോഴിക്കോട് ഭാഗത്തേക്ക് പോകുന്ന കൃതിക ബസിടിച്ചാണ് അപകടം.
ഇന്ന് ഉച്ചയ്ക്ക് ഒരു മണിയോടെയാണ് സംഭവം. അപകടത്തില്‍ തലയ്ക്ക് ഗുരുതരമായി പരിക്കേറ്റ അശോകനെ നാട്ടുകാര്‍ ചേര്‍ന്ന് കൊയിലാണ്ടി താലൂക്ക് ആശുപത്രിയിലും, തടര്‍ന്ന് കോഴിക്കോട് മെഡിക്കല്‍ കോളേജ് ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാനായില്ല.
നിലവില്‍ മൃതദേഹം മോര്‍ച്ചറിയിലേയ്ക്ക് മാറ്റിയിരിക്കുകയാണ്. പോസ്റ്റ്മാര്‍ട്ടത്തിന് ശേഷം ബന്ധുക്കൾക്ക് വിട്ടുകൊടുക്കും. ഭാര്യ: രാധ (റിട്ട.അധ്യാപിക വീമംഗലം സ്‌കൂള്‍). മക്കള്‍: രസിത, രോഷ്‌നി. മരുമകന്‍: ജിതേഷ് (കോമത്തുകര).