നടുവണ്ണൂർ: വാകയാട് ഹൈബ്രിഡ് കഞ്ചാവുമായി യുവാവ് പിടിയില്‍. വാകയാട് തിരുവോട് പുന്നോറത്ത് അനുദേവ് സാഗര്‍ (23) ആണ് പിടിയിലായത്. ഇന്നലെ വൈകീട്ട് ആറ് മണിക്ക് വാകയാട് തിരുവോട് ഭാഗത്തുനിന്നുമാണ് ഇയാള്‍ പേരാമ്പ്ര എക്‌സൈസിന്റെ പിടിയിലായത്. മാരകശേഷിയുള്ള 1 ഗ്രാം ഹൈബ്രിഡ് കഞ്ചാവാണ് യുവാവില്‍ നിന്നും കണ്ടെടുത്തത്. അറസ്റ്റ് ചെയ്ത് യുവാവിന്റെ പേരില്‍ എന്‍ഡിപിഎസ് കേസെടുത്തു.
പേരാമ്പ്ര എക്സൈസ് സര്‍ക്കിള്‍ ഇന്സ്പെക്ടര് അശ്വിന്‍ കുമാര്‍.കെ, അസിസ്റ്റന്റ് എക്സൈസ് ഇന്സ്പെക്ടര് ഗ്രേഡ് ചന്ദ്രന്‍ കുഴിച്ചാലില്‍, പ്രിവന്റിവ് ഓഫീസര്‍ ഗ്രേഡ് നൈജീഷ്.ടി, ഷിജില്‍ കുമാര്‍ എന്‍.കെ, വനിതാ സിവില്‍ എക്സൈസ് ഓഫീസര്‍ മഹിത ബി.എസ്, സിവില്‍ എക്സൈസ് ഡ്രൈവര്‍ ദിനേശ്.സി എന്നിവരാണ് പരിശോധന സംഘത്തില്‍ ഉണ്ടായിരുന്നത്.