താമരശ്ശേരി: പുതുപ്പാടിയിൽ കെട്ടിടത്തിൽ തീപിടിത്തം. വെസ്റ്റ് പുതുപ്പാടിയിലെ ബെയ്ക് സിറ്റി റെസ്റ്റോറന്റ് കെട്ടിടത്തിനു മുകളിൽ താൽക്കാലിക ഷെഡിലാണ് തീപിടുത്തം. ഒന്നാം നിലയിലും താഴെത്തെ നിലയിലും ബേക്കറിയും, റസ്റ്റോറൻ്റുമാണ് പ്രവർത്തിക്കുന്നത്. രണ്ടാം നിലയിൽ ലോഡ്ജുമാണ്. രാവിലെ 11 മണിയോടെയായിരുന്നു തീ പടർന്നത്.
ബേക്കറിയിലെ പാക്കിംഗ് സാധനങ്ങൾ സൂക്ഷിച്ച ഇടത്താണ് തീ പടർന്നത്. മുക്കത്ത് നിന്നും ഫയർഫോഴ്സ് എത്തി തീയണച്ചു. പുതുപ്പാടി ഒടുങ്ങാക്കാട് സ്വദേശി റഹീമിൻ്റെ ഉടമസ്ഥതയിലുള്ളതാണ് സ്ഥാപനം. ഷോർട്ട് സർക്യൂട്ടാണ് തീപിടുത്തത്തിനുള്ള കാരണമെന്നാണ് നിഗമനം.