കൊയിലാണ്ടി: കൊയിലാണ്ടി റെയില്‍വേ സ്റ്റേഷനില്‍ നിര്‍ത്തിയ ട്രെയിനിന്റെ അടിവശത്ത് തീപടര്‍ന്നു. ഇന്ന് വൈകീട്ടായിരുന്നു സംഭവം. 66323 നമ്പര്‍ കണ്ണുര്‍- ഷൊര്‍ണുര്‍ പാസ്സനജര്‍ മെമു ട്രെയിനിന്റെ അടിവശത്ത് തീപടര്‍ന്നത്. റെയില്‍വേ ജീവനക്കാർ കൃത്യസമയത്ത് ഇടപെട്ട് തീ അണച്ചതിനാല്‍ വന്‍ അപകടം ഒഴിവാവുകയായിരുന്നു.
വൈകീട്ട് 6:50 ഓടെ സ്റ്റേഷനില്‍ എത്തിയ ട്രെയിന്‍ അരമണിക്കൂര്‍ വൈകിയാണ് സ്റ്റാര്‍ട്ട് ചെയ്തത്. ബ്രേക്ക് ബൈന്‍ഡിങ് മൂലമാണ് തീ ഉണ്ടായതെന്ന് റെയില്‍വേ അധികൃതര്‍ അറിയിച്ചു. സ്റ്റേഷന്‍ സുപ്രന്റ് വിനു ടി, പോയ്ന്റ്‌സ്മാന്‍ പ്രത്യുവിന്‍, അഭിനന്ദ് എന്നിവര്‍ തക്ക സമയത്ത് ഇടപട്ടെ് തീ അണയ്ക്കുകയായിരുന്നു.