മുക്കം: കുന്ദമംഗലം- മുക്കം റോഡിൽ മണാശ്ശേരിയിൽ കെഎസ്ആർടിസി ബസ് മറിഞ്ഞ് അപകടം. കോഴിക്കോട് നിന്നും തിരുവമ്പാടി വഴി കൂമ്പാറയിലേക്ക് വരികയായിരുന്ന ATC 26 (KL15 A1854) മൂലമറ്റം-കൂമ്പാറ ഫാസ്റ്റ് പാസഞ്ചർ ബസ്സാണ് നിയന്ത്രണം വിട്ട് മറിഞ്ഞത്.
വെസ്റ്റ് മണാശ്ശേരിയിൽ ഞായറാഴ്ച രാത്രിയിലായിരുന്നു അപകടം. പരിക്കേറ്റ 13 യാത്രക്കാരെയും രണ്ടു ജീവനക്കാരെയും നാട്ടുകാരുടെ നേതൃത്വത്തിൽ മുക്കം കെഎംസിടി ഹോസ്പിറ്റലിൽ പ്രവേശിപ്പിച്ചു. ആരുടേയും പരിക്ക് ഗുരുതരമല്ലന്നാണ് ലഭിക്കുന്ന വിവരം.