പാലക്കാട്: പാലക്കാട് കാറും ബസും കൂട്ടിയിടിച്ച് ഒരു വയസ്സുകാരന് ദാരുണാന്ത്യം. തൃത്താല ടൗണില്‍ റെസ്റ്റ് ഹൗസിനു സമീപമാണ് അപകടം നടന്നത്. കുമ്പിടി പെരുമ്പലം പുളിക്കല്‍ വീട്ടില്‍ അബ്ബാസിന്റെ മകന്‍ ഹൈസിന്‍ ആണു മരിച്ചത്. കാര്‍ യാത്രികരായിരുന്ന 9 പേര്‍ക്കു അപകടത്തിൽ പരുക്കേറ്റു.
ഞായറാഴ്ച രാവിലെ 6.45 ഓടെയൊണ് സംഭവം. കരിപ്പൂര്‍ വിമാനത്താവളത്തില്‍ നിന്നും പട്ടാമ്പിയിലേക്ക് വരികയായിരുന്ന കാറും പട്ടാമ്പിയില്‍ നിന്നും കുറ്റിപ്പുറത്തേക്കു പോവുകയായിരുന്ന സ്വകാര്യ ബസും തമ്മിൽ കൂട്ടി ഇടിക്കുകയായിരുന്നു. ഗുരുതരമായി പരുക്കേറ്റ കുഞ്ഞിനെ പട്ടാമ്പിയിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.