എളേറ്റിൽ: എളേറ്റിൽ കത്തറമ്മലിൽ തേനീച്ചയുടെ കുത്തേറ്റ് മധ്യവയസ്കൻ മരിച്ചു. തുവ്വക്കുന്നുമ്മൽ ഭാസ്കരൻ (65) നാണ് സ്വന്തം വീടിൻ്റെ ടെറസിന് മുകളിൽ നിന്നും തേനീച്ചയുടെ കുത്തേറ്റ് മരിച്ചത്. വൈകുന്നേരം 5 മണിയോടെയായിരുന്നു സംഭവം, ഉടനെ താമരശ്ശേരി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
കൂലിപ്പണിക്കാരനാണ് മരിച്ച ഭാസ്കരൻ. മൃതദേഹം താമരശ്ശേരി താലൂക്ക് ആശുപത്രിയിൽ സൂക്ഷിച്ചിരിക്കുകയാണ്. തുടർ നടപടികൾക്ക് ശേഷം ബന്ധുക്കൾക്ക് വിട്ടുകൊടുക്കും. ഭാര്യ: ലീല. മക്കൾ: ഷിബിന, ലിസ്ന.