താമരശ്ശേരി: മാരക മയക്കുമരുന്നായ മെത്താഫെറ്റാമിനുമായി പൂനൂർ കോളിക്കൽ സ്വദേശി പിടിയിൽ. കോളിക്കൽ വടേക്കേപറമ്പ് മണ്ണട്ടയിൽ ഷഹാബുദ്ദീൻ അൽത്താഫ് (31) നെയാണ് താമരശ്ശേരി എക്സൈസ് സംഘം പിടികൂടിയത്. ബുധനാഴ്ച രാത്രി 11.30 ഓടെ കോരങ്ങാട്- പുല്ലാഞ്ഞിമേട് റോഡിൽ ആറ്റുസ്ഥല മുക്കിൽ വെച്ചാണ് 10.14 ഗ്രാം മെത്താഫെറ്റാമിനുമായി യുവാവ് പിടിയിലായത്.
എക്സൈസ് ഇൻസ്പക്ടർ തമ്പി എ.ജിയുടെ നേതൃത്വത്തിൽ എഇഐ ഗ്രേഡ് പ്രതീഷ് ചന്ദ്രൻ, പി ഒ അജീഷ്, ഇ ഇ& എഎൻഎസ്എസ് ഗ്രേഡ് പി ഒ ഷാജു സി.പി, ഗ്രേഡ് പി ഒ സുബീഷ്, സിഇഒ അഷിൽദ്, സിഇഒ ഡ്രൈവർ ഷിതിൻ എന്നിവർ ചേർന്നാണ് പ്രതിയെ പിടികൂടിയത്.