പേരാമ്പ്ര: പേരാമ്പ്രയിൽ നിയന്ത്രണംവിട്ട കാര്‍ ബൈക്കില്‍ ഇടിച്ച് ബൈക്ക് യാത്രികരായ രണ്ടുപേര്‍ക്ക് ഗുരുതര പരിക്ക്. വയനാട് സ്വദേശികളാണ് അപകടത്തില്‍പ്പെട്ടത്. പേരാമ്പ്ര ഭാഗത്ത് നിന്ന് പയ്യോളി ഭാഗത്തേക്ക് പോകുന്ന കാറ് വായനശാല കോളോപാറക്ക് സമീപത്തു വെച്ച് ബൈക്കിൽ ഇടിക്കുകയായിരുന്നു.
ഇന്ന് പുലര്‍ച്ചെ 5.30 ഓടെയായിരുന്നു അപകടം. ബൈക്ക് യാത്രക്കാരെ പത്ത് മീറ്ററോളം ദൂരെ ഇടിച്ചു തെറിപ്പിച്ച നിലയിലായിരുന്നു കണ്ടെത്തിയത്. ഇവരെ കോഴിക്കോട് മെഡിക്കല്‍ കോളേജില്‍ പ്രവേശിപ്പിച്ചു. കാറിടിച്ച് കെഎസ്ഇബി എച്ച്ഡി ലൈനും വീടിന്റെ മതിലും തകര്‍ന്നിട്ടുണ്ട്. അപകടത്തില്‍പ്പെട്ടവരെ പ്രദേശവാസികളാണ് ആശുപത്രിയില്‍ എത്തിച്ചത്.