താമരശ്ശേരി: പുതുപ്പാടി വനമേഖലയിൽ തണ്ടർബോൾട്ട് സംഘത്തിന് നേരെ കാട്ടുതേനീച്ചയുടെ ആക്രമണം. മേലെ കക്കാട് വനത്തിൽ മാവോയിസ്റ്റ് തിരച്ചിലിന് ഇറങ്ങിയ തണ്ടർബോൾട്ട് സംഘത്തിന് നേരെയാണ് കാട്ടു തേനീച്ചയുടെ ആക്രമണം.12 സംഘാങ്ങൾക്കും, നാട്ടുകാരനായ ഒരാൾക്കുമാണ് തേനീച്ച ആക്രമണത്തിൽ പരുക്കേറ്റത്.
പെരുമണ്ണാമൂഴി എസ്ഐ ജിതിൻവാസ്, എസ്ഒജി എസ്ഐ ബിജിത്, ഹവിൽദാർ വിജിൻ, കമാൻ്റോകളായ ബിജു, ബിനീഷ്, സുജിത്, ശരത്, ജിതേഷ്, ഡെയ്സിൽ, വനിതാ കമാൻ്റോകളായ നിത്യ, ശ്രുതി, ദർശിത എന്നിവർക്ക് പുറമെ ഇവരെ രക്ഷിക്കാനെത്തിയ നാട്ടുകാരനായ ബാബു എന്നയാൾക്കും തേനീച്ചയുടെ കുത്തേറ്റു. ഇവരെ ആദ്യം ഈങ്ങാപ്പുഴയിലെ സ്വകാര്യ ആശുപത്രിയിൽ പ്രാഥമിക ചികിത്സ നൽകിയ ശേഷം കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.