എഎസ്എംഎസ്എ താമരശ്ശേരി വിദ്യാഭ്യാസ ജില്ലാ സമ്മേളനവും യാത്രയയപ്പും അനുമോദനവും

താമരശ്ശേരി: എയ്ഡഡ് സ്കൂൾ മിനിസ്റ്റീരിയൽ സ്റ്റാഫ് അസോസിയേഷൻ താമരശ്ശേരി വിദ്യാഭ്യാസ ജില്ലാ സമ്മേളനവും വിരമിക്കുന്ന ജീവനക്കാർക്കുള്ള യാത്രയയപ്പും വിവിധ മേഖലകളിൽ കഴിവ് തെളിയിച്ചിട്ടുള്ള അംഗങ്ങളുടെ മക്കൾക്കുള്ള അനുമോദനവും. കൂടത്തായി സെന്റ് മേരീസ് ഹൈസ്കൂളിൽ വെച്ച് 2025 ജനുവരി 25ന് ശനിയാഴ്ച രാവിലെ10 മണിക്ക് ഓമശ്ശേരി ഗ്രാമപഞ്ചായത്ത് പ്രസിഡണ്ട് ശ്രീ. പി.കെ ഗംഗാധരൻ ഉദ്ഘാടനം ചെയ്യും. സമ്മേളന യോഗം ജില്ലാ പ്രസിഡണ്ട് പ്രവീൺ കെ.ദേവസ്യ അധ്യക്ഷത വഹിക്കും.

ചടങ്ങിൽ ജില്ലാ വിദ്യാഭ്യാസ ഓഫീസർ മൊയ്നുദ്ദീൻ എൻ കെഎഎസ് മുഖ്യാതിഥിയായിരിക്കും. സംസ്ഥാന ജനറൽ സെക്രട്ടറി പ്രശോഭ് കൃഷ്ണൻ ജി.പി മുഖ്യപ്രഭാഷണം നടത്തും. ആശംസകൾ അർപ്പിച്ചുകൊണ്ട് തോമസ് അഗസ്റ്റിൻ (ഹെഡ്മാസ്റ്റർ കൂടത്തായി എച്ച്എസ്എസ്), പൊന്നുമണി കെ.കെ (വൈസ് പ്രസിഡണ്ട് സംസ്ഥാന കമ്മിറ്റി), യുപി സ്കൂൾ കോഡിനേറ്റർ ലിബിൻ, സബ്ജില്ലാ പ്രതിനിധികളായ സഫിയ മുക്കം, ഉണ്ണികൃഷ്ണൻ കൊടുവള്ളി, കൃഷ്ണൻ കുന്നമംഗലം, ഗ്രേസൺ താമരശ്ശേരി, ഷമീർ ബാലുശ്ശേരി, ജ്യോതി കൃഷ്ണൻ പേരാമ്പ്ര എന്നിവർ ആശംസകൾ അർപ്പിക്കും. തുടർന്ന് ഉപഹാര സമർപ്പണവും മറുപടി പ്രസംഗവും ഉണ്ടായിരിക്കും. ജില്ലാ ട്രഷറർ ബിജു കെ.എം സ്വാഗതവും ജില്ലാ സെക്രട്ടറി റജുൽ..എം നന്ദിയും രേഖപ്പെടുത്തും.