താമരശ്ശേരി: ചുരം ഒന്നാം വളവിന് താഴെ കർണാടകയിൽ നിന്നുള്ള ശബരിമല തീർത്ഥാടകർ സഞ്ചരിച്ച ട്രാവലർ വാൻ മറിഞ്ഞ് നാലു പേർക്ക് പരിക്ക്. ആരുടെയും പരിക്ക് ഗുരുതരമല്ല. കർണാടക സ്വദേശികളായ ശിവരാജ്, ശംഭു, ബസവ രാജ്, സുബാഷ് എന്നിവർക്കാണ് പരുക്കേറ്റത്.
രാവിലെ പത്തരയോടെയായിരുന്നു അപകടം. നിയന്ത്രണം വിട്ട ട്രാവലർ വാൻ പോസ്റ്റിൽ ഇടിച്ച ശേഷം മറിയുകയായിരുന്നു, ഹൈവേ പോലീസും, സന്നദ്ധ പ്രവർത്തകരും, യാത്രക്കാരും ചേർന്നാണ് രക്ഷാപ്രവർത്തനം നടത്തിയത്. കർണാടക ഷിമോഗ സ്വദേശികൾ സഞ്ചരിച്ച വാഹനമാണ് അപകടത്തിൽപ്പെട്ടത്.
ട്രാവലർ ക്രെയിൻ ഉപയോഗിച്ച് ഉയർത്തി ഗതാഗത തടസം മാറ്റിയിട്ടുണ്ട്. ചുരത്തിൽ വാഹന ബാഹുല്യം കാരണം പല വളവുകൾക്കിടയിലും ഗതാഗത തടസ്സം നേരിടുന്നുണ്ട്.