കോഴിക്കോട്: കെഎസ്ആർടിസി ബസ് ദേഹത്ത് കയറി ഇറങ്ങി ഇരുചക്രവാഹന യാത്രികൻ തൽക്ഷണം മരിച്ചു. കോഴിക്കോട് കല്ലുത്താംകടവ് പാലത്തിന് മുകളിലാണ് അപകടം. ഗോവിന്ദപുരം സ്വദേശി റോഷൻ ആണ് മരിച്ചത്. കല്ലുത്താൻ കടവ് പാലത്തിൻ്റെ ഫുട്ട്പാത്തിൽ ഇടിച്ച് ബൈക്കിൽ നിന്ന് തെറിച്ച് വീണ റോഷൻ്റെ ദേഹത്തുകൂടി ബസ് കയറി ഇറങ്ങുകയായിരുന്നു.
മാനന്തവാടിയിൽ നിന്ന് പത്തനംതിട്ടയ്ക്ക് പോവുകയായിരുന്ന ബസാണ് യുവാവിന്റെ ദേഹത്ത് കൂടി കയറിയറങ്ങിയത്. റോഷൻ സംഭവ സ്ഥലത്ത് തന്നെ മരിച്ചു. മൃതദേഹം കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി.