കക്കോടിയിൽ സൗജന്യ നേത്രപരിശോധനാ ക്യാമ്പ് നടത്തി.

കക്കോടി: കക്കോടി ഗവ.ഹയർ സെക്കണ്ടറി സ്കൂളിലെ എൻ എസ് എസ് യൂണിറ്റിൻ്റെ ആഭിമുഖ്യത്തിൽ മലബാർ ഐ ഹോസ്പിറ്റലിൻ്റെ സഹകരണത്തോടെ സൗജന്യ നേത്രരോഗ പരിശോധനാ ക്യാമ്പ് നടത്തി. ഹയർ സെക്കണ്ടറി സ്കൂൾ ക്യാമ്പസ്സിൽ വെച്ച് നടന്ന ക്യാമ്പിൻ്റ ഔപചാരിക ഉദ്ഘാടനം പി.ടി.എ പ്രസിഡൻറും വാർഡ് മെമ്പറും കൂടിയായ രാജേഷ് എം.ടി നിർവഹിച്ചു. 

സ്കൂൾ പ്രിൻസിപ്പാൾ അധ്യക്ഷയായ ചടങ്ങിൽ എൻ.എസ്.എസ് പ്രോഗ്രാം ഓഫീസർ മഹേഷ് ടി സ്വാഗതവും, പി.ടി.എ വൈസ് പ്രസിഡൻ്റ് പ്രഭിത, ഹൈസ്കൂൾ അധ്യാപിക ഷിജിന, എൻ. എസ് .എസ് വളണ്ടിയർ ഭവ്യനന്ദ എന്നിവർ ആശംസകളർപ്പിച്ചു. എൻ.എസ്.എസ് വളണ്ടിയർ ലീഡർ മൈഥിലി ജയരാജ് ചടങ്ങിൽ നന്ദി അറിയിച്ചു.