ഓമശ്ശേരി: കൂടരഞ്ഞി നായാടാംപൊയിൽ-പെരുമ്പൂള റോഡിൽ ബൈക്ക് കൊക്കയിലേക്കു മറിഞ്ഞ് പരിക്കേറ്റ് ഗുരുതരാവസ്ഥയിൽ ചികിത്സയിലായിരുന്ന യുവാവ് മരിച്ചു. ഓമശ്ശേരിയിലെ സജീവ എസ് എസ് എഫ് പ്രവർത്തകനും ഓമശ്ശേരി പെരുമ്പൊയിൽ പരേതനായ മുഹമ്മദിൻ്റെ മകനും പ്രമുഖ മനശാസ്ത്ര വിദഗ്ധനുമായ ഡോ: സലാം സഖാഫിയുടെ സഹോദരൻ ഹാരിസ് (27) ആണ് മരിച്ചത്.
കഴിഞ്ഞ ഞായറാഴ്ച വൈകീട്ട് 4 മണിയോടെയായിരുന്നു അപകടം. ബൈക്കിൻ്റെ ബ്രേക്ക് നഷ്ടപ്പെട്ട് നിയന്ത്രണം വിട്ട് കൊക്കയിലേക്ക് മറിയുകയായിരുന്നു. കോഴിക്കോട് മെഡിക്കൽ കോളേജ് ആശുപത്രിയിൽ വെൻ്റിലേറ്ററിലായിരുന്നു. നടപടിക്രമങ്ങൾക്ക് ശേഷം ഓമശ്ശേരി ചോലക്കൽ റഹ്മാനിയ ജുമാ മസ്ജിദിൽ ഖബറടക്കും. മാതാവ്: സൈനബ. മറ്റു സഹോദരങ്ങൾ: അബ്ദുറഹ്മാൻ, ജാബിർ സഖാഫി.