കൊയിലാണ്ടി: കൊയിലാണ്ടി ചെങ്ങോട്ട്കാവിൽ ഓടിക്കൊണ്ടിരിക്കുന്ന കാറിന് തീപിടിച്ച് അപകടം. ഇന്ന് രാത്രി 10 മണിയോടെ ദേശീയപാതയിൽ നിര്‍മ്മാണ പ്രവര്‍ത്തി നടന്നുകൊണ്ടിരിക്കുന്ന സ്ഥലത്താണ് സംഭവം.
ചെങ്ങോട്ട്കാവില്‍ നിന്നും കോഴിക്കോട് ഭാഗത്തേയ്ക്ക് പോകുന്ന നാനോ കാറിലാണ് തീ പടർന്ന് കത്തിയത്. കാറിലുണ്ടായിരുന്ന രണ്ടുപേർ തീപ്പിടുത്തമുണ്ടായ ഉടനെ പുറത്തിറങ്ങിയതിനാല്‍ പരിക്കേൽക്കാതെ രക്ഷപ്പെട്ടു. നിമിഷ നേരം കൊണ്ട് തീ ആളിപ്പടരുകയായിരുന്നു. കൊയിലാണ്ടി ഫയര്‍ഫോഴ്‌സും നാട്ടുകാരും ചേർന്ന് തീയാണിക്കാനുള്ള ശ്രമം ആരംഭിച്ചിട്ടുണ്ട്.