പുതുപ്പാടി മലപുറം ജിഎംഎൽപി സ്കൂളിൽ മധുര കഞ്ഞി വിതരണം ചെയ്തു

പുതുപ്പാടി: സിപിഐ (എം) എലോക്കര ബ്രാഞ്ചും, ഡിവൈഎഫ്ഐ എലോക്കര യുണിറ്റും സംയുക്തമായി കഴിഞ്ഞ ഒരു വർഷമായി മലപുറം ജി.എം.എൽപി സ്കൂളിൽ നൽകുന്ന പ്രഭാത ഭക്ഷണത്തിന്റെ വാർഷിക ദിനത്തിൽ സ്കൂൾ കുട്ടികൾക്കായുള്ള മധുരകഞ്ഞി വിതരണം ചെയ്തു. പുതുപ്പാടി ഗ്രാമ പഞ്ചായത്ത് മുൻ ആരോഗ്യ വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ സ: എം ഇ ജലീൽ ഉദ്ഘാടനം നിർവഹിച്ചു. 

വാർഡ് മെമ്പർ സ: ശ്രീജ ബിജു, സ്കൂൾ ഹെഡ്മിസ്ട്രസ്സ് ദീപ ജോസ്, പി ടി എ വൈസ് പ്രസിഡന്റ്‌ സ: ജലീൽ കോയ തങ്ങൾ, സി പി ഐ (എം) എലോക്കര ബ്രാഞ്ച് സെക്രട്ടറി സ: ശ്രീജിത്ത്‌ എലോക്കര, ഡിവൈഎഫ്ഐ എലോക്കര യുണിറ്റ് പ്രസിഡന്റ്‌ ഷമീർ പി കെ സി, സിറാജ് എലോക്കര തുടങ്ങിയവർ പങ്കെടുത്തു.