മലപ്പുറം: നിലമ്പൂർ പോത്തുകല്ലിൽ കാറും ഓട്ടോയും കൂട്ടിയിടിച്ച് ഒരാൾ മരിച്ചു. രണ്ടു പേർക്ക് പരിക്ക്. പരിക്കേറ്റ രണ്ടുപേരിൽ ഒരാളുടെ നില ഗുരുതരമാണ്. ഇന്ന് ഉച്ചയ്ക്കു ശേഷമാണ് അപകടം. വയനാട് വൈത്തിരി ആറാം മൈൽ പൊഴുതന സ്വദേശി പേരിക്കാത്തറ മൊയീൻ (85) ആണ് മരണപ്പെട്ടത്. പരിക്കേറ്റവരെ നിലമ്പൂർ ജില്ലാ ഹോസ്പിറ്റലിലും പെരിന്തൽമണ്ണ സ്വകാര്യ ഹോസ്പിറ്റലിലും പ്രവേശിപ്പിച്ചു. മൊയീൻ്റെ മൃതദേഹം നിലമ്പൂർ ജില്ലാ ഹോസ്പിറ്റൽ മോർച്ചറിയിലേക്ക് മാറ്റി.