താമരശ്ശേരി: താമശ്ശേരിയിൽ ഇടിമിന്നലേറ്റ് വീടിന് നാശനഷ്ടം. താമരശ്ശേരി ചുടലമുക്ക് അരേറ്റക്കുന്നുമ്മൽ അബൂബക്കറിൻ്റെ വീടിനാണ് കേടുപാട് സംഭവിച്ചത്. ശക്തമായ ഇടിമിന്നലിൽ വീടിൻ്റെ ചുവരുകൾ വിണ്ടു കിറുകയും, സിമൻ്റ് തേപ്പുകൾ അടർന്നു വീഴുകയും ഇലക്ട്രിക് വയറിംഗ് കത്തി നശിക്കുകയും, സ്പിച്ചുകളും, ബൾബുകളും പൊട്ടിത്തെറിക്കുകയും ചെയ്തു.
ഉച്ചക്ക് ഒന്നരയോടെയായിരുന്നു സംഭവം. വീടിനകത്താകെ പുക ഉയർന്നതിനെ തുടർന്ന് വീട്ടുകാർ പരിഭ്രാന്തരായി. വീട്ടുടമ അബൂബക്കറും, ഭാര്യയും മൂന്നു വയസ്സുകാരിയായ മകളുമാണ് വീട്ടിൽ ഉണ്ടായിരുന്നത്. താമരശ്ശേരിയിലും മലയോര മേഖലയിലും ശക്തമായ മഴ തുടരുകയാണ്.