നരിക്കുനി: നരിക്കുനിയിലും പരിസര പ്രദേശങ്ങളിലും വാഹനങ്ങളിലെ ബാറ്ററി മോഷണം പതിവാകുന്നു. ഇന്നലെ നരിക്കുനി നെല്ല്യേരിത്താഴം
നിർത്തിയിട്ട ലോറിയുടെ ബാറ്ററി മോഷണം പോയി. ഒന്നര മാസം മുമ്പ് നെടിയനാട് ഭാഗത്തു നിന്നും വീട്ടിൽ നിർത്തിയിട്ട ഓട്ടോയിൽ നിന്നും ബാറ്ററി മോഷ്ടിച്ചിരുന്നു.കഴിഞ്ഞ ആഴ്ച ഇതിനടുത്ത പ്രദേശത്ത് നിന്നും ഓട്ടോയുടെ ബാറ്ററി മോഷ്ടിക്കാൻ ശ്രമം നടന്നെങ്കിലും പാതിവഴിയിൽ ഉപേക്ഷിക്കുകയായിരുന്നു
ബൈക്കിലെത്തി ഒരാൾ കാവൽ നിൽക്കുകയും കൂട്ടാളികൾ മോഷ്ടിക്കുകയും ചെയ്യുന്ന രീതിയാണെന്ന് നാട്ടുകാർ സംശയിക്കുന്നു. കഴിഞ്ഞ ദിവസം ബാറ്ററി മോഷണം പോയ ലോറിയ്ക്കടുത്ത് സംശയകരമായ രീതിയിൽ ബൈക്കിൽ മൂന്ന് പേരെ കണ്ടിരുന്നതായി നാട്ടുകാർ പറയുന്നു. ഏതായാലും വാഹനങ്ങൾ നിർത്തിയിടുന്നവർ ബാറ്ററി മോഷ്ടാക്കളെ ഒന്ന് കരുതിയിരിക്കുന്നത് നല്ലതാണ്.