പാലക്കാട്: പ്രഭാത നടത്തത്തിനിടയിൽ ഷൂസിനുള്ളിൽ നിന്ന് പാമ്പ് കടിയേറ്റയാൾ ചികിത്സയിൽ. പാലക്കാട് മണ്ണാർക്കാട് സ്വദേശി കരീമിനാണ് കടിയേറ്റത്. പതിവ് പോലെ നടക്കാനിറങ്ങുമ്പോൾ സിറ്റൗട്ടിലുണ്ടായിരുന്ന ഷൂസ് ധരിച്ചതായിരുന്നു. ഉടൻ കാലിൽ എന്തോ കടിച്ചതായി തോന്നുകയും ഷൂസ് അഴിച്ചപ്പോൾ പാമ്പിനെ കണ്ടെത്തുകയുമായിരുന്നു.
ഇദ്ദേഹത്തെ ആദ്യം സമീപത്തെ ആശുപത്രിയിലും പിന്നീട് വിദഗ്ധ ചികിത്സക്കായി പെരിന്തൽമണ്ണയിലെ സ്വകാര്യ ആശുപത്രിയിലും പ്രവേശിപ്പിച്ചു. ചികിത്സയിലുള്ള കരീമിന്‍റെ നില തൃപ്തികരമാണ്.